Prada de Valdeón
| Localización | ||||
|---|---|---|---|---|
| ||||
| Estado | España | |||
| Comunidade autónoma | Castela e León | |||
| Provincia | provincia de León  | |||
Prada de Valdeón é unha localidade española do concello leonés de Posada de Valdeón (Castela e León). A súa poboación (INE 2021) é de 36 habitantes (25 homes e 11 mulleres). Dista menos de 1 km da capital municipal.
As casas, de arquitectura tradicional, atópanse moi concentradas sobres as rúas estreitas. A vila conserva 15 hórreos e un muíño que funcionaba con auga do río Arenal, o afluente máis importante do río Cares.
O contorno de bosque e pradeiras enmarcados polas moles calcarias dos Picos de Europa entre as que destaca a Torre del Friero (2.445 m.) permite efectuar paseos por bosques veciños ou ascensións aos cumes. Entre os sendeiros máis coñecidos que parten de Prada de Valdeón atópanse o do Mercadillo e o de Montó.
O 8 de setembro a vila celebra a festa da Nosa Señora de Corona.
Localidades limítrofes
[editar | editar a fonte]Confina coas seguintes localidades:
- Ao norte con Los Llanos de Valdeón.
- Ao nordés con Cordiñanes de Valdeón.
- Ao sueste con Santa Marina de Valdeón.
- Ao oeste con Soto de Valdeón.
- Ao noroeste con Posada de Valdeón, capital municipal.